ရုပ်နာမ်အကုန်သိမှမဂ်ဖိုလ်တရားရမှာတဲ့လား ?

ဓာတ် ၄-ပါးမျှ အကုန်မသိဘဲ ရဟန္တာဖြစ်ပုံ
**********************************


မဂ်ဖိုလ်သို့ရောက်သော ပုဂ္ဂိုလ်တိုင်းပင် ရုပ်နာမ်ကို သိပုံတူသည် ဟူ၍၎င်းင်း၊ ပါဠိ အဋ္ဌကထာတို့၌ အကျယ်ပြသည့် အတိုင်း အလုံးစုံကိုသိမှ မဂ်ဖိုလ်ကို ရနိုင်သည်ဟူ၍၎င်းင်း ထင်တတ်ကြ၏။ ထိုသို့ကား မထင်မှတ်သင့်ပေ။ အဘယ့်ကြောင့် နည်းဟူမူ-မိမိတို့၏ ပါရမီဉာဏ်အားလျော်စွာသာ သိနိုင်သောကြောင့်တည်း၊ ထင်ရှားစေဦးအံ့-အမြင့်ဆုံး တိက္ခဘဗ္ဗပုဂ္ဂိုလ် ဖြစ်လျှင်,သာဝကတို့၏ အရာ၌ အပြည့်အစုံ ကျယ်ဝန်းစွာ သိနိုင်ရာ၏။ သို့သော်, အဘိဓမ္မာ ဒေသနာတော်နှင့်အညီကား မသိနိုင်ချေ။ အနုပဒသုတ်၌ ထင်ရှားလတံ့။ အညံ့ဆုံး မန္ဒဘဗ္ဗပုဂ္ဂိုလ်ဖြစ်လျှင်ကားç မဂ်ဖိုလ်သို့ ရောက်နိုင်ရုံမျှ အချို့ကိုသာ သိနိုင်ရာ၏။ ထို့ကြောင့်ပင်, မူလပဏ်-မူလပရိယာယသုတ် အဋ္ဌကထာ (၅၄)၌ "သာဝကာ ဟိ ဟတုန္နံ ဓာတူနံ ဧကဒေသ မေ၀ သမ္မသိတွာ နိဗ္ဗာနံ ပါပုဏန္တိ"ဟု မိန့်ဆိုလေပြီ။

သာဝကာ၊ သာဝကတို့သည်။ စတုန္နံ ဓာတူနံ။ ပထ၀ီ,အာပေါ, တေဇော,၀ါယော ဟူသော ဓာတ်လေးပါးတို့တွင်။ ဧကဒေသမေ၀၊ တချို့တစိတ်မျှကိုသာလျှင်။ သမ္မသိတွာ၊ သုံးသပ်၍။ နိဗ္ဗာနံ၊ နိဗ္ဗာန်သို့။ ပါပုဏန္တိ၊ ရောက်ကုန်၏။

အဋ္ဌကထာ၌သာ မဟုတ်သေး၊ သဠာယတနသံယုတ်ပါဠိတော် (၃၉၆)၌လဲ ဤသို့သော အနက်အဓိပ္ပါယ် ကို ဖော်ပြ လျက်ရှိသေး၏။ ဖော်ပြပုံကား-အဘယ်မျှလောက်သိလျှင်,အသိဉာဏ် စင်ကြယ်ပါသနည်း ?ရဟန္တာ ဖြစ်ပါသနည်း?ဟု ရဟန်းတပါးက မေးလျှောက်၍, ရဟန္တာကြီးလေးပါးတို့က မိမိတို့၏ အားထုတ်သိမြင်ပုံအတိုင်း အသီးအသီး ဖြေတော်မူကြ ၏။

ပဌမ ရဟန္တာကြီး၏ ဖြေဆိုပုံ။ ။ယတော ခေါ အာဝုသော ဆန္နံ ဖဿာယတနာနံ သမုဒယဉ္စ အတ္ထင်္ဂမဉ္စ ယထာဘူတံ ပဇာနာတိ၊ ဧတ္တာဝတာ ခေါအာဝုသော ဘိက္ခုနော ဒဿနံ သုဝိသုဒ္ဓံ ဟောတိ။

ငါ့ရှင်၊ အကြင်အခါ၌ ဖဿဖြစ်ကြောင်း အဇ္ဈတ္တိကာယတန ၆-ပါးတို့၏ ဖြစ်ခြင်း,ပျက်ခြင်းကို မှန်ကန်စွာသိ၏၊ ငါ့ရှင်၊ ဤမျှလောက်သိလျှင်,ရဟန်း၏ ဉာဏ်အမြင်သည် ကောင်းစွာ စင်ကြယ်ပါ၏။ "ရဟန္တာ ဖြစ်ပါပြီ"ဟု ဆိုလို၏။

ဤအဖြေသည် အဇ္ဈတ္တိကာယတန ၆-ပါးကိုသာရှု၍ ရဟန္တာဖြစ်သော မထေရ်ကြီး၏အဖြေပေတည်း။ ဤရဟန္တာကြီး ၏ရှုနည်းကိုကြည့်လျှင် ဗဟိဒ္ဓတရား အလုံးစုံကို မရှုဟုတွေ့ရ၏။ အဇ္ဈတ္တ၌လဲ စက္ခု, သောတ,ဃာန,ဇိဝှါ,ကာယ ဟူသော ရုပ်ငါးခုကိုသာရှုသည်
၊ ကြွင်းသောရုပ်တို့ကို မရှုဟုတွေ့ရ၏။ နာမ်တရားတို့တွင်လဲ စိတ်တခုကိုသာရှုသည်။ စေတသိက်တို့ကို မရှုဟုတွေ့ရ၏။ သို့သော်လဲ ဤနည်းအတိုင်းရှု၍ ထိုမထေရ်မှာ ရဟန္တာဖြစ်လေပြီ။ ဤနည်းကို မသင့်ဟု မည်သူဆိုနိုင်ပါ အံ့နည်း။ အမှန်အားဖြင့်ကား အကျယ်ပြသော ပါဠိ, အဋ္ဌကထာတို့နှင့်ညီ၍ သင့်သည်ဟူ၍သာ ဆိုအပ်၏။ ညီပုံကား-ထင်ရှား သော အဇ္ဈတ္တိကာယတနတို့ကို ပဓာနပြု၍ရှုခြင်းသည် ၎င်းတို့နှင့် တပြိုင်နက်ဖြစ်သော ဗာဟိရာယတန ၆-ပါးတို့၌လဲ ရှုခြင်း ကိစ္စ,သိခြင်းကိစ္စကို ပြီးစေသည်သာတည်း။ သို့ဖြစ်၍ ရုပ်နာမ်အလုံးစုံကိုရှုသည်,သိသည်သာ မည်သောကြောင့် အကျယ်ပြ သော ပါဠိ,အဋ္ဌကထာတို့နှင့် ညီပေသည်။

ဒုတိယရဟန္တာကြီးက။ ။"ဥပါဒါနက္ခန္ဓာ ငါးပါးတို့၏ အဖြစ်,အပျက်ကိုသိလျှင်,ရဟန္တာဖြစ်သည်ဟု ဖြေဆို၏။ ဤအဖြေ မှာ အလုံးစုံ ပြည့်စုံ၏။

တတိယရဟန္တာကြီး၏ ဖြေဆိုပုံ။ ။ယတော ခေါ အာဝုသော စတုန္နံ မဟာဘူတာနံ သမုဒယဉ္စ အတ္ထင်္ဂမဉ္စ ယထာဘူတံ ပဇာနာတိ၊ ဧတ္တာဝတာ ခေါ အာဝုသော ဘိက္ခုနော ဒဿနံ သုဝိသုဒ္ဓံ ဟောတိ။

ငါ့ရှင်၊ အကြင်အခါ၌ မဟာဘုတ်လေးပါးတို့၏ အဖြစ်, အပျက်ကို မှန်ကန်စွာ သိ၏။ ငါ့ရှင်၊ ဤမျှလောက်သိလျှင်, ရဟန်း၏ ဉာဏ်အမြင်သည် ကောင်းစွာ စင်ကြယ်ပါ၏။ "ရဟန္တာ ဖြစ်ပါပြီ"ဟု ဆိုလို၏။

ဤရဟန္တာကြီး၏ ရှုပုံ၌ မဟာဘုတ် ၄-ပါးမှ
 ကြွင်းသောရုပ် နာမ်အလုံးစုံကို မရှုဟုတွေ့ရ၏။ သို့သော်လဲ ရဟန္တာ ဖြစ်စေနိုင်သော ရှုနည်းမှန်သာတည်း။ သို့ဖြစ်၍ မဟာဘုတ် ၄-ပါးကို ပဓာနပြု၍ရှုခြင်းသည် ထိုမဟာဘုတ်တို့နှင့် တပေါင်း တည်း တပြိုင်နက်ဖြစ်သော ရုပ်နာမ်တို့၌ ရှုခြင်း,သိခြင်း ကိစ္စပြီးသောကြောင့် အကျယ်ပြသော ပါဠိ,အဋ္ဌကထာတို့နှင့် မဆန့်ကျင် ဟူ၍သာမှတ်အပ်၏။ အဘယ့်ကြောင့်နည်းဟူမူ-ထိုပါဠိ,အဋ္ဌကထာတို့၌ ပုဂ္ဂိုလ်အမျိုးမျိုးတို့၏ အကျဉ်း,အကျယ် ရှုပုံသိပုံအလုံးစုံကို သိမ်းကျုံး၍သာပြ၏၊ ထိုအလုံးစုံကို ပုဂ္ဂိုလ်တိုင်းပင် ပဓာနပြု၍ ရှုရသိရမည်ဟူ၍ကား မဆိုလိုသောကြောင့် ပေတည်း။

စတုတ္ထ ရဟန္တာကြီးက။ ။"ယံ ကိဉ္စိ သမုဒယဓမ္မံ သဗ္ဗံ တံ နိရောဓမ္မေန္တိ ယထာဘူတံ ပဇာနာတိ-ဖြစ်ခြင်း သဘောရှိသော တရားဟူသမျှသည် ချုပ်ခြင်းသဘောရှိသည်ဟု မှန်ကန်စွာသိလျှင် ဉာဏ်အမြင် စင်ကြယ်ပါပြီ။ ရဟန္တာဖြစ်ပါပြီ"ဟု ဖြေဆို ၏။ ဤအဖြေသည်လည်း အလုံးစုံ ပြည့်စုံ၏။

မေးလျှောက်သော ရဟန်းသည်ကား "ရဟန္တာတိုင်းပင် ရုပ်နာမ် အလုံးစုံကို သိရမည်,သိပုံချင်းလဲ တူရမည်"ဟု ထင်မြင်ယူဆချက်ရှိ၏။ ထို့ကြောင့် အချို့ အဖြေ၌ ရုပ်နာမ်မစုံလင်သည့်ပြင် အချင်းချင်းလဲ မတူကြသော အဖြေ ၄-မျိုးကို ကြားရသောအခါ သဘောမကျနိုင်၍ မြတ်စွာဘုရားအား လျှောက်ထားပြန်လေ၏။ ထိုအခါ မြတ်စွာဘုရားက "ယထာ ယထာ အဓိမုတ္တာနံ တေသံ သပ္ပုရိသာနံ ဒဿနံ သုဝိသုဒ္ဓံ ဟောသိ၊ တထာ တထာ ခေါ တေဟိ သပ္ပုရိသေဟိ ဗျာကတံ = အကြင် အကြင်အခြင်းအရာအားဖြင့် နှလုံးသွင်း ရှုမှတ်ကုန်သော ထို သူတော်ကောင်း ၄-ဦးတို့၏ ဉာဏ်အမြင်သည် စင်ကြယ်လေပြီ။ ထိုထို အခြင်းအရာဖြင့်သာလျှင် ထိုသူတော်ကောင်း ၄-ဦးတို့က ဖြေကြားအပ်ပေသည်"ဟု မိန့်တော်မူလေ၏။ "မိမိတို့ ရဟန္တာ ဖြစ်သည်တိုင်အောင် ရှုပုံကိုသာလျှင် အသီးအသီး ဖြေကြားကြသည်၊ အဖြေ ၄-မျိုးလုံးပင် ရဟန္တာဖြစ်ကြောင်း နည်းမှန်ချည်း ပင်"ဟု ဆိုလို၏။

ပြခဲ့ပြီးသော ပါဠိအဋ္ဌကထာတို့ဖြင့် "တပြိုင်နက်ဖြစ်ပေါ်သော ရုပ်နာမ်တို့ကို အဘိဓမ္မာကျမ်းဂန်တို့၌ အကျယ်ပြသည့် အတိုင်း ခရားစေ့တွင်းကျ စေ့ငစုံလင်အောင် မရှုနိုင်သော်လဲ မြင်ခိုက်စသည်၌ အထူးထင်ရှားသော ရုပ်နာမ်တခုခုကို ရှုရုံမျှဖြင့် တပြိုင်နက် တပေါင်းတည်းဖြစ်သော ရုပ်နာမ် ဟူသမျှတို့၌ရှုခြင်း,သိခြင်း ကိစ္စပြီးသည် ဖြစ်၍ အရဟတ္တဖိုလ်အထိ ရောက်နိုင် ကြောင်းကို" ထင်ရှားသိသာပေပြီ။

ဝိပဿနာရှုနည်းကျမ်းပထမတွဲနှာ-၂၅၇/၂၆၁
မဟာစည်ဆရာတော်။
-----------------------------------------------------

ဆက်လက်၍ဓမ္မမိတ်ဆွေတို့လယ်တီ
ဆရာတော်၏အကိုးအကားလေးဆက်လက်
ဖတ်ရှုကြည့်ကြပါဦး………

★ စိတ်တစ်လုံးပိုင် ရဟန္တာဖြစ်နိုင်
--------------------------------------------

ဝိဉာဏေ ဘိက္ခဝေ အာဟာရေ ပရိညာတေ နာမရူပံပရိညာတံ ဟောတိ၊ နာမရူပေ ပရိညာတေ အရိယ သာဝကဿနတ္ထိ ကိဉ္စိ ဥတ္တရိကရဏီယန္တိ ဝဒါမိ။ဘိက္ခဝေ=ရဟန်းတို့၊ ဝိညာဏေအာဟာရေ=ဝိညာဏာဟာရကို၊ပရိညာတေ=ပိုင်ပိုင်သိရှိသော်၊ ဝါ=ပရိညာသုံးပါးဖြင့် အဆုံးတိုင်ပိုင်နိုင်သည်ရှိသော်၊ နာမရူပံ=နာမ်ဟူသမျှ ရုပ်ဟူသမျှသည် ပရိညာတံအလိုလို ပိုင်နိုင်မှုကိစ္စ ပြီးစီးလေတော့သည်၊ ဟောတိ=ဖြစ်၏၊ နာမရူပေ=နာမ်ရုပ်နှစ်ပါးသည်၊ ပရိညာတေ=အလိုလို ပိုင်နိုင်မှု ပြီးစီးခဲသည်ရှိသော်၊အရိယသာဝကဿ=ငါဘုရားတပည့်သားအား၊ ဥတ္တရိ=ထိုထက်အလွန်၊ကိဉ္စိ=တစ်စုံတစ်ခုမျှ၊ ကရဏီယံ=ပြုဖွယ် လုပ်ဖွယ် အားထုတ်ဖွယ်ကိစ္စသည်၊ နတ္ထိ=မရှိပြီ၊ ဣတိ=ဤသို့၊ ဝဒါမိ=ငါဘုရားဟောတော်မူ၏။ဝိညာဏာဟာရဆိုသည်ကား စိတ်ကိုဆိုသတည်း၊ စိတ်တစ်လုံးပိုင်နိုင်လျှင် အပြီးတိုင်သော ပါဠိတော်။

★ ဖဿတစ်လုံးပိုင် ရဟန္တာဖြစ်နိုင်
--------------------------------------------

ဖေဿ ဘိက္ခဝေ အာဟာရေ ပရိညာတေ တိေဿာ ဝေဒနာပရိညာတေ ဟောန္တိ၊ တီသု ဝေဒနာသု ပရိညာတာသု အရိယသာဝကဿ နတ္ထိ ကိဉ္စိ ဥတ္တရိ ကရဏီယန္တိ ဝဒါမိ။်ဘိက္ခဝေ၊ ရဟန်းတို့၊ ဖေဿ အာဟာရေ၊ ဖဿာဟာရကို၊ပရိညာတေ၊ ပိုင်ပိုင်သိသည်ရှိသော်၊ ဝါ=ပရိညာသုံးပါးဖြင့် အဆုံးတိုင်ပိုင်နိုင်သည်ရှိသော်၊ တိေဿာ ဝေဒနာ၊ သုံးပါးသော ဝေဒနာတို့သည်၊ပရိညာတာ၊ အလိုလို ပိုင်နိုင်မှုကိစ္စ ပြီးစီးကုန်တော့သည်၊ ဟောန္တိ၊ဖြစ်ကုန်၏၊ တီသု ဝေဒနာသု၊ သုံးပါးသော ဝေဒနာတို့သည်၊ပရိညာတာသု၊ အလိုလို ပိုင်နိုင်မှုကိစ္စ ပြီးစီးကုန်သည်ရှိသော်၊ အရိယသာဝကဿ၊ ငါဘုရားတပည့်သားအား၊ ကိဉ္စိ ဥတ္တရိ၊ ထိုထက်အလွန်၊ကိဉ္စိ၊ တစ်စုံတစ်ခုမျှ၊ ကရဏီယံ၊ ပြုဖွယ် လုပ်ဖွယ် အားထုတ်ဖွယ်ကိစ္စသည်၊ နတ္ထိ၊ မရှိပြီ၊ ဣတိ၊ ဤသို့၊ ဝဒါမိ၊ ငါဘုရားဟောတော်မူ၏။ဖဿာဟာရဆိုသည်ကား ဖဿ စေတသိက်ကို ဆိုသတည်း၊ ဖဿတစ်လုံးပိုင်နိုင်လျှင် အပြီးတိုင်သော ပါဠိတော်။

★ စေတနာတစ်လုံးပိုင် ရဟန္တာဖြစ်နိုင်
--------------------------------------------------

* မနောသဉ္စေတနာယ ဘိက္ခဝေ အာဟာရေ ပရိညာတေတိေဿာ တဏှာ ပရိညာတာ ဟောန္တိ။ တီသု တဏှာသု ပရိညာတာသုအရိယသာဝကဿ နတ္ထိ ကိဉ္စိ ဥတ္တရိ ကရဏီယန္တိ ဝဒါမိ။* နိဒါဝဂ္ဂ သံယုတ္တပါဠိ-နှာ-၃၂၃။ဘိက္ခဝေ=ရဟန်းတို့၊ မနောသဉ္စေတနာယ အာဟာရေ= မနောသဉ္စေတနာ အာဟာရကို၊ ပရိညာတေ=ပိုင်ပိုင်သိသည်ရှိသော်၊ ဝါ၊ပရိညာသုံးပါးဖြင့် အဆုံးတိုင် ပိုင်နိုင်သည်ရှိသော်၊ တိေဿာ တဏှာ=ကာမတဏှာ, ရူပတဏှာ, အရူပ တဏှာတည်းဟူသော သုံးပါးသောတဏှာတို့ကို၊ ပရိညာတာ=အလိုလိုပိုင်နိုင်မှုကိစ္စ ပြီးစီးကုန်တော့သည်၊ဟောန္တိ=ဖြစ်ကုန်၏၊ တီသု တဏှာသု=သုံးပါးတဏှာတို့သည်၊ ပရိညာတာသု=အလိုလိုပိုင်နိုင်မှု ပြီးစီးကုန်သည်ရှိသော်၊ အရိယသာဝကဿ=ငါဘုရားတပည့်သားအား၊ ဥတ္တရိ=ထိုထက်အလွန်၊ ကိဉ္စိ=တစ်စုံတစ်ခုမျှ၊ကရဏီယ=ပြုဖွယ်လုပ်ဖွယ်အားထုတ်ဖွယ်ကိစ္စသည်၊ နတ္ထိ=မရှိပြီ၊ ဣတိ=ဤသို့၊ ဝဒါမိ=ငါဘုရား ဟောတော်မူ၏။မနောသဉ္စေတနာဟာရဆိုသည်ကား စေတနာစေတသိက်ကိုဆိုသတည်း၊ စေတနာတစ်လုံးပိုင်လျှင် အပြီးတိုင်သော ပါဠိတော်။

★ သညာတစ်လုံးပိုင် ရဟန္တာဖြစ်နိုင်
-----------------------------------------------

* သညာ ပရိညာ ဝိတေရယ်။* သညာပရိညာ ဝိတရေယျ၊ (သုတ္တနိပါတ ဆဋ္ဌ နှာ-၄ဝဝ။)သညာ=သညာတစ်လုံးကို၊ ပရိညာ-ပရိညာယ=ပရိညာသုံးပါးဖြင့်အဆုံးတိုင် ပိုင်နိုင်သည်ရှိသော်၊ သြဃံ=သံသရာရေအယဉ်ကို၊ ဝိတရေယျ=လွန်နိုင်ရာ၏။သညာစေတသိက်တစ်လုံး ပိုင်နိုင်လျှင် အပြီးတိုင်သောပါဠိတော်။

★ ဝေဒနာတစ်လုံးပိုင် ရဟန္တာဖြစ်နိုင်
-----------------------------------------------

သုခံ ဝါ ယဒိ ဝါ ဒုက္ခံ၊ အဒုက္ခ မသုခံ ပိ စ။အဇ္ဈတ္တဉ္စ ဗဟိဒ္ဓိဝါ စ၊ ယံကိဉ္စိ အတ္ထိ ဝေဒယိတံ။ဧတံ ဒုက္ခန္တိ ဉတွာန၊ မောသဓမ္မံ ပလောကိနံ။ဖုဿ ဖုဿ ဝယံ ပဿံ၊ ဧဝံ တတ္ထ ဝိဇာနာတိ။ဝေဒနာနံ ခယာ ဘိက္ခု၊ နိစ္ဆတော ပရိနိဗ္ဗုတော။သုခံ ဝါ=သုခဝေဒနာသည် လည်းကောင်း၊ ယဒိ=ထိုမှတစ်ပါး၊ ဒုက္ခံဝါ=ဒုက္ခဝေဒနာသည်လည်းကောင်း၊ အဒုက္ခ မသုခံ ပိ စ=ဥပေက္ခာဝေဒနာသည်လည်းကောင်း၊ ဣတိ=ဤသို့၊ အဇ္ဈတ္တဉ္စ=မိမိသန္တာန်၌လည်းကောင်း၊ ဗဟိဒ္ဓိဝါ စ=အပဖြစ်သော နတ် လူ ဗြဟ္မာ သတ္တဝါတို့၏သန္တာန်၌လည်းကောင်း၊ ယံကိဉ္စိ=အလုံးစုံသော၊ ဝေဒယိတံ=ခံစားမှုသည်၊အတ္ထိ= ရှိ၏၊ မောသဓမ္မံ= မျက်လှည့်အလားကဲ့သို့ လှည့်စားလိမ်လည်ခြင်းသဘောရှိထသော၊ ပလောကိနံ=ခံစား စံစားဆဲတွင် လျှပ်ရောင် အလားကဲ့သို့ ဖရိုဖရဲ ပျောက်ကွယ်ခြင်း သဘောရှိထသော ၊ ဧတံ= ဤဝေဒနာသုံးပါးကို၊ ဒုက္ခန္တိ=ဒုက္ခသစ္စာဟူ၍၊ ဉတွာန=အဟုတ်သိမြင်၍၊ ဖုဿဖုဿ=ဣဋ္ဌာရုံ, အနိဋ္ဌာရုံခိုက်တိုက် ထိပါးရာ ကိုယ်အင်္ဂါ၌ ရေပွက်ငယ်တွေလား တဖွားဖွား ပေါ်ပေါက်၍၊ ဝယံ=ချုပ်ကွယ်ပျောက်ဆုံးမှုကို၊ပဿံ-ပေဿာ=ပစ္စက္ခဒိဋ္ဌ ထင်မြင်အောင် ရှုသည်ရှိသော်၊ တတ္ထ=ထိုဝေဒနာတို့၌၊ ဧဝံ=ဤသို့ အနိစ္စအစစ် ဒုက္ခအစစ် အနတ္တအစစ်ဧကန်ဖြစ်၏ဟူ၍၊ ဝိဇာနာတိ=အထူးသိနိုင်လေ၏၊ ဘိက္ခု=ရဟန်းသည်၊ဝေဒနာနံ=ဝေဒနာတို့၏၊ ခယာ=ကုန်ငြိမ်းခြင်းကြောင့်၊ ဝါ=ကုန်ခြင်းခန်းခြင်းဟူသော ခယအမှုကို ထင်မြင်ခြင်းကြောင့်၊ နိစ္ဆတော=အာရုံခြောက်ပါးနှင့်တကွ ဝေဒနာဓမ္မတို့၌ တောင့်တခြင်းဟူသော ဆာလောင်ငတ်မွတ်ခြင်း ကင်းသည်ဖြစ်၍၊ ပရိနိဗ္ဗုတော=အငြိမ်းကြီး ငြိမ်းလေ၏။ဝေဒနာ တစ်လုံးပိုင်နိုင်လျှင် အပြီးတိုင်သော ပါဠိတော်။ဤပါဠိတော်များကို ထောက်၍ ထိုငါးပါးသော တရားတို့တွင်တစ်ခုခုသော တရား၌ ပရိညာသုံးပါး အပြီးတိုင် ထမြောက်အောင်အားထုတ်နိုင်ပါလျှင် တစ်ခုတည်းနှင့် အရဟတ္တဖိုလ်တိုင်ပေါက်ရောက်နိုင်ကြောင်းကို သိအပ် ယုံကြည်အပ်သတည်း။

''အနတ္တဒီပနီ'' ကျမ်း နှာ-၁၃၄-၁၃၈
လယ်တီဆရာတော်
-----------------------------------------------

ခပ်သိမ်းသော ရုပ်ဟူသမျှသည် ပထဝီ၌မှီတွယ်၍ ဖြစ်ကြရ ကုန်၏၊ ခပ်သိမ်းသော ပဉ္စဝေါကာရ နာမ်ခန္ဓာဟူသမျှသည် ရုပ်၌မှီတွယ်၍ဖြစ်ကြရ၏၊ ပထဝီ၏ဖြစ်မှု ပျက်မှု ဥဒယဗ္ဗယ-အချက်ကိုထင်မြင်နိုင်ပါလျှင် ကြွင်းသော ရုပ်နာမ်တို့၏ ဖြစ်မှု ပျက်မှု ဥယဗ္ဗယ အချက်ကိုလည်း ထင်မြင်ခြင်းငှါလွယ်လှ၏။ (ဤကား ဝိပကာရရုပ္ပနအပျက်ကို ပြဆိုချက်တည်း။)

လယ်တီကမ္မဋ္ဌာန်းကျမ်း နှာ ၂၆၂-၂၆၃

ဖတ်ရှုအားပေးမှုကိုကျေးဇူးတင်ပါသည်။
(Aung AungZaw)